Verdasco ljut nakon poraza od Novaka na organizatore turnira

Fernardo Verdasco izgubio je u prvom kolu Australina Opena od drugog tenisera svijeta Novaka Đokovića sa 3:0 u setovima. Nakon meča Verdasco je je bio veoma ljut na organizatore, da li s pravom ili ne vidječemo u nastavku turnira.

"Nevjerovatno, ovo je bilo kao kada se osamdesetih igralo u dvorani na tepihu – prebrzo je i lopta ne odskače ravnomjerno na svim dijelovima terena. Nikada u životu nisam toliko puta udario lopticu ramom iz forhenda", rekao je ljutito Fernando Verdasco poslije poraza od Novaka Đokovića u prvom kolu Australian opena.

 "Jednostavno nisam mogao da se naviknem, a sve je postajalo još teže kada je Novak počeo ravno da udara lopticu, pogotovo bekhendom. Kada je tako, na ovakvom terenu nisam u stanju ništa da uradim", dodao je Verdasco.


Kada je došao njegov red na konferenciju za medije, branilac titule, Novak Đoković, rekao je da nije primijetio probleme sa podlogom. "Nisam baš upućen u terene iz 80-ih godina, na tepihu u dvorani. Poštujem svačije mišljenje, ali mislim da podloga nije bila toliko loša. Što se neravnomjernih odskoka tiče, nisam primijetio nijedan", prokomentarisao je Đoković.